Bayern Leverkusen yanditse amateka adasanzwe muri shampiyona yo mu Budage

Bayern Leverkusen  yakoze amateka adasanzwe muri Shampiyona yo mu Budage ubwo yatwaraga igikombe itsinze Augsburg ibitego 2-1, Bayern Leverkusen  niyo kipe ya mbere itwaye igikombe cya shampiyona mu Budage idatsinzwe umukino n'umwe.

Bayern Leverkusen muri shampiyona yatsinze imikino 28,inganya itandatu,itsinda ibitego 89 yinjizwa ibitego 24.

Nubwo Bayern Leverkusen yatwaye iki gikombe ntabwo igaragara mu makipe akomeye cyane muri Shampiyona y'u Budage ikaba ariyo mpamvu ibi byatunguye benshi ku isi.

Bayern Leverkusen  ubu nayo yiyongeye ku y'andi makipe aturuka muri shampiyona zikomeye cyane ku isi nayo yatwaye ibikombe bya Shampiyona adatsinzwe,aho twavuga Arsenal,Juventus na AC Milan.

Nyuma yo gutwara Shampiyona Bayern Leverkusen irashaka gutwara igikombe cya Europa League na DFB-Pokal igasoza umwaka idatsinzwe na rimwe.

Ku mukino wa nyuma wa Europa League ifite ku wa 22 Gicurasi izahura na Atalanta mu gihe ku mukino wa nyuma wa DFB-Pokal izahura na Kaiserslautern.

Iyi kipe ya Bayern Leverkusen  itwaye Shampiyona itozwa na Xabi Alonso ikaba ikomeje gutungura benshi.