Kenya:Polisi yaciye imyigaragambyo mu murwa mukuru Nairobi

Igiporisi cya Kenya cyatangaje ko imyigaragambyo itemewe mu murwa mukuru  Nairobi, ndetse no mu nkegero zawo kugeza igihe hari andi mabwiriza mashya abigaragambya bahawe,Polisi ya Kenya ikomeza ivuga ko kuba abigaragambya badafite ubayoboye ari kimwe mu bituma ibintu bikomeza kugorana.

Bitangajwe nyuma y'ukwezi haba imyigaragambyo yo kwamagana Leta mu mwanzuro yashakaga gufata wo kuzamura imisoro ariko na nyuma yo kwisubiraho abigaragambya bakomeje basaba Perezida William  Ruto ko yakwegura.

Umurwa mukuru Nairobi niwo wabaye isibaniro ry'iyo myigaragambyo ariko no mu bindi bice bitandukanye hagaragaye abigaragambya benshi.

Ku mbuga Nkoranyambaga,urubyiruko rwo muri icyo gihugu rwari rwahanahanye ubutumwa buvuga ko kuri uyu wa Kane bagomba guhurira Uhuru Park mu mujyi wa Nairobi mbere y'uko bagana kuri State House ku ngoro ya Perezida William Ruto.

Mw'ijoro ryo ku wa gatatu, Polisi yo muri icyo gihugu yatangaje ko 'nta myigaragambyo yemewe mu murwa mukuru Nairobi no mu nkengero zayo.

Iyo ngingo y'igiporisi yarakaje abantu ku mbunga nkoranyambaga aho bamwe bavuga ko igiporisi kidafite ububasha nk'ubwo, kuko amategeko aha abanya-Kenya uburenganzira bwo kwigaragambya.