Bwa mbere mu mateka u Rwanda ruje ku mwanya mwiza ku Isi.

U Rwanda rwaje ku mwanya wa 43 ku Isi mu bihugu 180 byarwanyije ruswa ku gipimo gishimishije mu Cyegeranyo cy'Ubushakashatsi Ngarukamwaka ku miterere ya Ruswa ku rwego rw'Isi, CPI 2024.

Ni ubwa mbere mu mateka, u Rwanda rugize uyu mwanya aho rufite amanota 57%.

U Rwanda rwashyizwe ku mwanya wa gatatu ku Mugabane wa Afurika nyuma ya Seychelles na Cabo Verde.

Mu 2023, u Rwanda rwari ku mwanya wa 49 n'amanota 53% mu gihe muri Afurika rwari urwa kane.

Kwiyongera kw’amanota y’u Rwanda byerekana ko gahunda za Leta zigamije gukumira no kurwanya ruswa zirimo gutanga umusaruro. Ni ingaruka z'ubuyobozi bunoze, imiyoborere myiza, n’ubushake bwo guhashya ruswa mu nzego zitandukanye.