Nyamasheke:Umukobwa w'imyaka 16 wigaga muri GS Mushungo yarohamye mu Kivu
Irabizi Marlene wigaga mu mwaka wa kabiri w'amashuri yisumbuye muri GS Mushungo yarohamye mu Kivu ahita apfa ubwo yari ajyanye na bagenzi be kwahira ubwatsi ku nkengero z'ikiyaga cya Kivu ku kirwa cya Mushungo.
Ingabire Claude Umunyamabanga Nshingwabikorwa w'Umurenge wa Kirimbi yatangaje ko ibyo byabaye hafi ya saa kumi n'ebyiri z'umugoroba wo ku wa Gatanu tariki ya 24 Gicurasi, ubwo uyu mwana w'umukobwa yari ajyanye na bagenzi be kwahira ubwatsi bw'amatungo aho guhita bataha barangije ahubwo babanza koga mu Kivu.
Ingabire yavuze ko uwo mwana yari asanzwe ari uwo mu Murenge wa Bweyeye mu Karere ka Rusizi wigaga ataha mu rugo rwo kuri icyo kirwa cya Mushungo.
Ati" Bamusize ku nkengero bajya koga, we abanza gutinya kuko atari abizi, uko abakobwa bagenzi be bari bajyanye bagendaga boga bibira bongera buburuka abona bishimishije nawe yakuyemo imyenda ajya mu kindi gice bagenzi be nti bamenya ko ariho yagiye kogera.
Yakomeje agira ati" Bamaze koga bagiye kureba ubwatsi ngo batahe barebye aho bamusize bahabona imyenda yonyine we baramubura,baratabaza abaturage baraza barashakisha amakuru avuga ko akiri gushakishwa.
Mu minsi isatira ibiruhuko by'abanyeshuri ababyeyi usanga bafite impungene z'abana babo bamwe bajya koga batabizi ugasanga barohamye muri ubwo buryo.
Gitifu Ingabire avuga ko bitoroshye kuvuga ko wakumira abana baturiye icyi kiyaga kuko ari naho babimenyera ariko avuga ko bagiye gushyiraho uburyo bwo kugenzura abana bajya kogera muri iki kiyaga ndetse n'abakuru bajya koga bagakoresha ama (Jilets) yabugenewe.
Muri uwo Murenge kandi hari undi mwana bagenzi be bagiye koga mu Kivu abakurikiye atazi koga ararohama n'ubu umurambo we ntabwo uraboneka.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show