Rubavu:Umugabo yishikirije RIB nyuma yo kwiyicira umugore we

Mu Karere ka Rubavu mu Murenge wa Rubavu Akagali ka Gisa mu Mudugudu wa Gisa umugabo yishe umugore we babanaga byemewe n'amategko ahita yishikiriza urwego rw'igihugu rw'ubugenzacyaha RIB.

Niyomukesha Evaritse w'imyaka 42 niwe wishe umugore we witwa Mukeshimana Claudine,uwo mugabo ubwo yishikirizaga RIB yavuze ko yasunitse umugore we wari wicaye ku ntebe akitura hasi bikamuviramo urupfu kandi ko ntacyo bapfaga.

Gusa umwe mu baturanyi be baganiriye n'itangazamakuru yavuze ko uwo mugabo yari amaze igihe afitanye amakimbirane n'umugore we.

Ati"Bari basanganganwe amakimbirane cyane ko uyu mugabo yari hafi umwaka muri gereza ya Nyakiriba azira gukubita umugore no kumenagura imashini idoda yakoreshaga."

Umunyamabanga nshingwabikorwa w'akagali ka Gisa Ntaganda Hicham Jean vianney yemeje aya makuru avuga ko bari bamaze iminsi bimutse kandi ko batavuganaga nabi.

Ntaganda yavuze ko bari bamaze ibyumweru bibiri bimutse kandi ko babanaga neza nubwo umugabo yari amaze igihe afunzwe kubera guhohotera umugore we.

Umurambo wa Nyakwigendera wahise ujyanwa mu bitaro bya Gisenyi nu gihe uwo mubyeyi asize umwana umwe.