Sadio Mane yakoze ubukwe n'umukobwa w'imyaka 19

Umunya Senegal w'imyaka 31  ukinira ikipe ya Al  Nassr yo muri Saudi Arabia  yashingiranywe n'umukinzi we w'imyaka 19 y'amavuko.

IIbirori byabaye  ku cyumweru tariki ya 07 Mutarama 2024, ni  mu gihe  Sadio Mane  yari yatangaje ko ibyo birori bizaba ku munsi wo kuwa gatandatu ndetse no ku cyumweru kandi bikitabirwa n'inshuti ze za hafi ndetse nabo mu muryango we gusa.

Kugeza ubu nta mafoto arajya hanze aba bombi bari kumwe usibye amafoto ya Aicha Tamba w'imyaka 19 wambitswe impeta na Sadio Mane.

M'Ukwakira 2023 amakuru yagiye hanze avuga ko Sadio Mane yakoze ubukwe ariko birangira bitabaye impamo.

Aicha Tamba akomoka muri Senegal akaba ari umukobwa wa Amadou Tamba umwubatsi w'umuhanga muri icyo gihugu.

Sadio Mane ari mu ikipe y'igihugu ya Senegal aho bari kwitegura umukino  bazakina mo n'ikipe y'igihugu ya Gambia mu mikino yo kwitegura igikombe cya Afurika.