Umutekano wakajijwe kuri Ambasade ya Kenya muri Uganda
Umugaba Mukuru w’ingabo za Uganda akaba na Perezida wa Komite y’inzego zishinzwe umutekano muri iki gihugu, Général Muhoozi Kainerugaba, yategetse abapolisi gukaza umutekano wa Ambasade ya Kenya i Kampala.
Gen Muhoozi yatanze iri tegeko nyuma y’aho Abanyakenya batwitse igice kimwe cya Ambasade ya Uganda muri Kenya, ubwo bari mu myigaragambyo ikomeye kuri uyu wa 25 Kamena 2024.
John Ndungutse ushinzwe ibikorwa bya Polisi muri Ambasade ya Uganda muri Kenya, yatangaje ko kuzimya inyubako y’iyi Ambasade byari bigoye kuko nta bikoresho byo kwifashisha byari bihari.
Yagize ati “Birababaje kubona inyubako yacu ikongoka mbireba kandi ntacyo nabikoraho kubera ko nta mazi ahari ngo tuzimye. Bambwiye ko kizimyamoto zihari ari eshatu gusa hano muri Nairobi, rero inzu yacu turi kuyibura kubera ko umuriro ni mwinshi. Birababaje cyane, ntabwo ibi byakabaye biri kutubaho.”
Gen Muhoozi yagaragaje ko hari impungenge z’uko Abanya-Uganda barakajwe n’urugomo rw’Abanyakenya na bo bashobora gutekereza kwihorera, bakajya gutwika Ambasade ya Kenya.
Yagize ati “Nk’igihugu Ambasade ya Kenya irimo, dufite inshingano zo kurinda umutekano wayo.”
Abo bimaze kumenyekana ko bapfiriye muri iyi myigaragambyo yabereye by’umwihariko i Nairobi ni 13. Umuryango Amnesty International wari waraye utangaje ko abapfuye ari batanu, biganjemo abarashwe n’abapolisi.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show