Umwe mu bayobozi bakomeye ba  AFC/M23 yashyiriweho itegeko ryo kumuta muri yombi.

Ku wa Gatatu tariki 5 Gashyantare, Urukiko rw’Ikirenga rwa Kinshasa/Gombe rwashyizeho itegeko ryo gutabwa muri yombi ku rwego mpuzamahanga, ku mukuru w’umutwe w’abarwanyi wa Alliance du Fleuve Congo (AFC), Corneille Nangaa Yobeluo.

Nk’uko byatangajwe n'inyandiko yemewe na Prosekuteri mukuru w’Urukiko rw’Ikirenga, Colonel Magistrat Parfait Mbuta Muntu, Corneille Nangaa akurikiranyweho ibyaha bitandukanye birimo ibyaha by’intambara, ibyaha byibasiye inyokomuntu, gushaka kubangamira ubutegetsi n’ibindi.

Iyi nyandiko ivuga ko Corneille Nangaa agomba gufatirwa aho ari hose agashyikirizwa ubutabera bwa Repubulika Iharanira Demokarasi ya Congo (RDC).

Umukuru w’umutwe w’abarwanyi wa Alliance du Fleuve Congo (AFC), Corneille Nangaa Yobeluo.

Corneille Nangaa, wahoze ari perezida wa Komisiyo y’Amatora ya Repubulika ya Demokarasi ya Congo (CENI), ubu akaba ari umuyobozi w’umutwe w’abarwanyi, yahamijwe ibyaha bya gisirikari n’urukiko rw’ikirenga rw’Intara, aho yaje gukairwa igihano cy’urupfu.