Bukayo Saka ntago azagaragara mu mukino uzahuza u Bwongereza na Finland kubera ikibazo cy’imvune.

Umwongereza Bukayo Saka wamenyekanye cyane  ikipe ya Arsenal  ntiyarangije umukino wahuzaga u Bwongereza n’Ubugereki kubera ikibazo cy’imvune yagiriye muri uyu mukino.

Kugeza ubu  yamaze gukurwa kurutonde rw’abakinnyi bazifashishwa ku mukino  uzabahuzamo na na Finland kuri iki Cyumweru.

Uyu mukino u Bwongereza bwatsizwemo  n’Ubugereki mu mikino ya UEFA Nations League. Bukayo Saka yavaye mu kibuga mu gice cya kabiri asimbujwe nyuma yo kuvunika mu kuguru kw’iburyo.

Ikinyamakuru BBC Sports  ari nacyo ducyesha iyi nkuru cyanditse ko atari u Bwongereza gusa buzahomba Bukayo Saka ku mukino wa Finiland, ahubwo n’ikipe ya Arsenal akinira ishobora kuzakina imwe mu mikino itamufite.

Mu mikino 10Bukayo Saka amaze gukinira Arsenal muri uyu mwaka w’imikino, amaze kuyitsindira ibitego bitatu, anatanga imipira 7 ivamo ibitego ibyo bikamugira inyingi ya mwamba ku makipe yombi.

Arsenal izagaruka mu kibuga icakirana n’ikipe ya Bournemouth ku itariki 19 Ukwakira, bikaba biteganyijwe ko uwo ari umwe mu mikino Arsenal ishobora gukina idafite Bukayo Saka.

Ikipe y’u Bwongereza nubwo yatakaje Bukayo Saka, yahise yakira Harry Kane na Jack Grealish batakinnye umukino w’Ubugereki kubera imvune ariko kuri uyu wa Gatandatu bakaba bagarutse mu myitozo.

U Bwongereza bufite amanota 6/9 mu mikino ya UEFA Nations League muri League mu itsinda B. Mu mikino itatu bumaze gukina batsinze ibiri butsindwa umwe.

Donatien Nsengimana