Impinduka mu ntambara ya Kivu: Abacanshuro ba FARDC banyujijwe mu Rwanda basubizwa iwabo.

Mu gihe intambara muri Kivu y'Amajyaruguru ikomeje gufata indi ntera, abacanshuro barwaniraga ku ruhande rw’ingabo za Leta ya Congo (FARDC) bagiye kunyuzwa mu Rwanda basubizwa mu bihugu byabo, nk’uko biteganywa n’amategeko mpuzamahanga.

Aba barwanyi bari bamaze igihe bahanganye n’umutwe wa M23 mu bice bitandukanye nka Kitshanga, Sake na Kanyabayonga. Bari banagize uruhare mu kurinda ikibuga cy’indege cya Goma, ariko nyuma yo gutsindwa, bamwe bahungiye mu kigo cya MONUSCO.

Koherezwa mu bihugu byabo ni igikorwa kigamije kubahiriza amategeko mpuzamahanga no gukemura ikibazo cy’abacanshuro bari mu ntambara ya Congo. Iki cyemezo gishobora kugira ingaruka ku mikirize y’intambara, kuko FARDC yari isanzwe ibafata nk’inkingi ya mwamba mu guhangana na M23.