Iradukunda Simeon na Nkurunziza Felicien bongewe mu  Amavubi  nyuma yo gutsindwa na Sudani y’epfo.

Ku mugoroba wo ku munsi wejo hashize tariki 23 ukuboza 2024, ikipe y’igihugu y’u Rwanda Amavubi yageze hano mu Rwanda ikubutse mu gihugu cya Sudani y’epfo ahabereye umukino ubanza wo gushaka itike yo gukina igikombe cy’Afurika cy’abakina imbere mu gihugu CHAN.

Amavubi nyuma yo kugera hano mu Rwanda, umutoza Jimmy Mulisa yahise ahamagara bakinnyi 2 barimo Iradukunda Simeon ukinira Police FC ndetse na Nkurunziza Felicien ukinira ikipe ya Musanze FC.

Aba bakinnyi bongewe mu ikipe y’igihugu y’u Rwanda Amavubi nyuma yaho abarimo Byiringiro Gilbert ukinira APR FC ndetse na Ngabonziza Pacy wa Police FC bagize ibibazo by’imvune.

Umukino ubanza, ikipe y’igihugu y’u Rwanda Amavubi yatsinzwe na Sudani y’epfo ibitego 3-2 mu mukino wabaye tariki 22 Ukuboza 2024.