M23 mu rugamba rushya: Igikuba cyacitse mu Kiyaga cya Kivu no mu mujyi wa Goma.

Umutwe wa M23 wongeye kuzamura urujijo no guhungabanya amahoro mu Burasirazuba bwa Congo. Mu ijoro ryo kuri iki Cyumweru, uyu mutwe wemeje ko wahagaritse imirimo yose ikorerwa mu Kiyaga cya Kivu, ukaba warahaye ingabo za FARDC amasaha 48 yo gushyira intwaro hasi no kuzishyikiriza MONUSCO.

M23 yanatanze itegeko ko abasirikare bose bagomba kwishyira hamwe muri Stade de l’Unite bitarenze saa 3:00, ibintu byagaragaye nk’umugambi wo kotsa igitutu igisirikare cya Leta.

Uyu mutwe uvuga ko icyihutirwa ari ugufata Umujyi wa Goma, umujyi ukomeye cyane mu bijyanye n’ubukungu n’imigenderanire mu karere.

Iyi myanzuro ya M23 ifite ingaruka zikomeye ku baturage, ubucuruzi bwo mu Kivu, no ku rugamba rwa diplomasi mu karere kose.