Raporo iteye ubwoba: Abantu 44,000 bishwe na SIDA mu mwaka umwe.

Guverinoma ya Mozambique yatangaje ko nibura abantu 44,000 bishwe na Virusi Itera SIDA mu 2023, igaragaza ko uwo mubare wagabanyutse uvuye ku bantu 48,000 mu 2022.

Byatangajwe kuri uyu wa Gatatu ubwo Ikigo gishinzwe kurwanya SIDA muri icyo gihugu, cyashyiraga hanze imibare y’abayanduye n’abayirwaye.

Nibura muri uwo mwaka wa 2023, Mozambique ivuga ko abantu bashya 48,000 banduye virusi Itera SIDA, bavuye kuri 97,000 mu 2022.

Muri rusange, abantu bafite virusi itera SIDA muri Mozambique yose ni miliyoni 2.4, intara za Sofala na Zambézia rwagati mu gihugu na Nampula iri mu Majyaruguru zikaza ku isonga.

Mozambique ni kimwe mu bihugu bitanu bya mbere muri Afurika bifite ubwinshi bw’abantu bafite virusi itera SIDA, aho iza inyuma ya Eswatini, Lesotho, Afurika y’Epfo na Botswana