Urubanza rwa Bishop Harerimana rwashyizwe mu muhezo kubera ibijyanye n’imyanya ndangagitsina.

Urubanza rwa Bishop Harerimana Jean Bosco rwashyizwe mu muhezo bitewe nuko hari buvugirwemo ibijyanye n’imyanya ndangagitsina.

Abari mu cyumba cy’uburanisha babwiwe gusohoka bamwe barimyoza ariko birangira basohotse.

Umushinjacyaha yabwiye Urukiko ko Urubanza rurimo imico mbonezabupfura bityo asanga urubanza rukwiriye kubera mu muhezo.

Umucamanza yabajije Bishop Harerimana Jean Bosco n’abamwunganira babiri bavuga ko nta kintu bibatwaye kuba rugiye kubera mu muhezo.

Bishop Harerimana agiye kuburana ubujurire bwatanzwe n’Ubushinjacyaha nyuma yo kutanyurwa n’umwanzuro w’urukiko rw’ibanze rwa Kicukiro.

Ku wa 31 Ukwakira 2024, nibwo Urukiko rwategetse ko Bishop Harerimana n’umugore we Mukansengiyumva Jeanne barekurwa by’agateganyo. Barekuwe nyuma yuko bari bemeye gutanga ingwate y’inzu ihagaze agaciro ka miliyoni 60 Rwf.

Bishop Harerimana n’umugore we Mukansengiyumva bakurikiranyweho ibyaha bitatu birimo kwihesha ikintu cy’undi hakoreshejwe uburiganya, gukangisha gusebanya no gukwirakwiza amafoto y’imikoreshereze y’ibitsina.