APR FC yerekeje ku mukino wa nyuma w’igikombe cy’Intwari nyuma yo gutsina AS Kigali ibitego 2-0.

APR FC yerekanye ko ikomeye mu irushanwa ry’Igikombe cy’Intwari nyuma yo kunyagira AS Kigali ibitego 2-0 mu mukino wakiniwe kuri Kigali Pelé Stadium.

Uyu mukino wagaragaje imbaraga z’iyi kipe ndetse n’umuhate wo gukomeza gushaka kwegukana iri rushanwa.

Ibitego byombi bya APR FC byatsinzwe na Denis Omedi ku munota wa 57 na Niyibizi Ramadan ku munota wa 70, byatumye iyi kipe yegukana intsinzi ikomeye.

Umukino waranzwe no guhangana gukomeye, ariko APR FC yagaragaje ko ifite abakinnyi bafite ubuhanga n’amayeri yo kuyobora umukino.

Ubu amaso yose ahanzwe umukino  uhuza Police FC na Rayon Sports, aho ikipe izahura na APR FC izamenyekana.