Abakorera ingendo ziva mu Rwanda bashyiriweho amabwiriza mashya yo kwirinda Marburg.

Ejo ku wa 9 Ukwakira 2024, Minisiteri y’Ubuzima yashyize hanze  itangazo, rireba abashaka gukorera ingendo hanze y’u Rwanda.

MINISANTE  yavuze ko abashaka gukora ingendo ziva mu Rwanda zerecyeza hanze yarwo, basabwe kujya babanza kuzuza ifishi y’isuzuma ry’amakuru ku bimenyetso by’icyorezo cya Marburg, ndetse abahuye n’abanduye iyi ndwara n’abafite ibimenyetso byayo bakaba batemerewe gukora ingendo hatarashira iminsi 21.

Iri tangazo rikomeza risobanura ko buri muntu wese ugiye gukora ingenzo ziva mu Rwanda zerkeza mu kindi gihugu, ko ari Ngombwa kwuzuza ifishi y’isuzuma ry’amakuru ku bimenyetso bya Marburg mu masaha 24 abanziriza urugendo rwawe.

Ibi bikazajya bikorwa hakoreshejejwe  uburyo bw’ikoranabuhanga, mu rwego rwo kwirinda ikwirakwira rya Marburg, bityo bakaba bazuzuza ibizasabwa bakoresheje  code ya QR.

Umuntu warahuye n’uwanduye Marburg, ntiyemerewe gukora urugendo hatarashira iminsi 21 nyuma yo guhura n’uwanduye, cyangwa mu gihe yaba afite ibimenyetso by’uburwayi nk’uko MINISANTE yabitangaje.

Donatien Nsengimana.