Harmonize yatunguye benshi ubwo yasubikaga igitaramo kubera umukobwa

Umuhanzi Harmonize yatangaje ko yasubitse igitaramo yagombaga gukorera muri  Sierra Leone tariki ya 14 Gashyantare kuberako umukunzi we Poshy Queen yabuze Visa  kandi uwo munsi uzaba ari umunsi w’abakundana.

Ibinyujije kuri Instagram Harmonize yavuze ati”Sierra Leaone mumbabarire kubera ko ntabwo nzabasha kubataramira kuri 14 Gashyantare tuzabonane ikindi gihe.”

Yakomeje ati” bamwe mubo dukorana babuze Visa barimo n’umukunzi wanjye kandi nkuko mubizi ntabwo naza njyenyine ku munsi w’abakundana mwihangane tuzabonane ikindi gihe.

Urukundo hagati ya Harmonize na Poshy Queen rukomeje kugurumana nkuko abakurikirana imbuga nkoranyambaga babibona ku mafoto akomeje guca ibintu ashirwaho nibyo  byamamare.

Usibye amafoto aba bombi bashiraho usanga hari n’imitoma umuhanzi Harmonize agenda abwira umukunzi we .

Harmonize iherutse gutangaza ko uyu mwaka uzasiga yaramaze gukora ubukwe abenshi bahise bakeka ko ashobora gukora ubukwe na Poshy Queen nkuko bamaze iminsi babigaragaza.