Icyamamare mu mukino wa Tennis Yannic Noah yageze mu Rwanda

Mu ijoro ryakeye Yannick Noah icyamamare mu mukino wa Tennis na muziki yageze ku kubuga cy’indege cya Kigali aje nk’umutumirwa na ambasaderi w’umuino wa Tennis mu irushanwa mpuzamahanga ririmo kubera mu Rwanda.

Yannick Noah yagaragaye aseka ubwo yari ageze ku kibuga cy’indege ndetse atangaza ko yishimiye kuba ageze mu Rwanda.

Iri rushanwa ryatangiye ku wa mbere tariki ya 26 Gashyantare bikaba biteganijweko rizarangira tariki ya 10 Werurwe 2024 aho rizaba ribera ku bibuga bya Tennis byo ku ishuri rya IPRC-Kigali.

Yannick Noah yatumiwe mu Rwanda nk’icyamamare muri uyu mukino kuko niwe mufaransa uheruka kwegukana irushanwa rikomeye rya Roland Garros ribera mu Bufaransa kuva mu 1983.

Uyu mugabo w’imyaka 63, nka kapiteni yagejeje ikipe y’igihugu y’Ubufaransa ku kwegukana igikombe cy’isi cya Tennis (Davis Cup) mu 1991, 1996 na 2017.

Muri muzika Yannick Noah  yakoze indirimbo zakunzwe nka Les Lionnes, Mon Eldorado, cyangwa La Vie c’est Maintenant yasohoye umwaka ushize.