Ingabo z’u Rwanda zikomotse muri Cabo Delgado zageze i Kigali.
RDF na RNP baherutse gusimburwa na bagenzi babo mu butumwa bwo kugarura amahoro n’umutekano muri Mozambique basesekaye i Kigali kuri uyu wa 20 Nzeri 2024.
Muri Kanama 2024 ni bwo abasirikare n’abapolisi bayobowe na Gen Maj Emmy Ruvusha bahagurutse ku kibuga cy’indege cya Kigali, bajya gusimbura bagenzi babo bari bamaze umwaka muri ubu butumwa bwo kugarura amahoro.
Ubwo aba basirikare n’abapolisi bayobowe na Gen Maj Alex Kagame bagarukaga i Kigali, bakiriwe n’Umugaba w’ingabo zirwanira ku butaka, Gen Maj Vincent Nyakarundi n’Umuyobozi wa Polisi wungirije ushinzwe ibikorwa, CP Vincent Sano.
Gen Maj Nyakarundi yabagejejeho ubutumwa yahawe na Perezida akaba n’Umugaba w’Ikirenga w’ingabo z’u Rwanda, n’ubuyobozi bukuru bw’ingabo z’u Rwanda.
Ubu butumwa ni ubwo “kubashimira umusanzu ufatika batanze mu kurwanya iterabwoba muri Cabo Delgado, gutabara no kurinda abasivili no gucyura mu ngo abarenga 87% bari barahunze.”
Nk’uko byatangajwe na Minisiteri y’Ingabo, aba basirikare n’abapolisi basobanuriwe uko umutekano w’u Rwanda uhagaze, basabwa gukomeza kurangwa n’imyitwarire myiza mu gihe bifatanya na bagenzi babo kurinda igihugu.
U Rwanda rwatangiye kohereza abasirikare n’abapolisi muri Cabo Delgado muri Nyakanga 2021, hashingiwe ku masezerano rwagiranye na Leta ya Mozambique yo kurwanya iterabwoba.
Mu gihe gito, birukanye mu bice byinshi by’ingenzi abarwanyi b’umutwe w’iterabwoba wa Al Sunna Wa Jama bari bamaze imyaka ine babigenzura, ibikorwa by’ubukungu byari byarahagaze birasubukurwa.
Banafatanyije kandi n’abasivili mu kubaka ibikorwaremezo birimo amashuri mu turere twa Mocimboa da Praia na Ancuabe, baha abanyeshuri ibikoresho, bavura n’abatuye muri iyi ntara.
Abagiye muri Cabo Delgado muri Kanama 2024 basabwe kubungabunga ibyo bagenzi babo bagezeho mu myaka itatu ishize, kandi bakarangwa n’imyitwarire myiza. Basabwe kandi gushyira hamwe, bakarinda isura nziza y’u Rwanda.
Nsengimana Donatien.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show