Kiyovu Sports yahagaritse umutoza wayo Joslin Bipfubusa. Ese yaba ari inzira yo gutandukana na we?

Umutoza wa Kiyovu Sports Joslin Bipfubusa  umaze imikino myisnhi atabona instinzi  yahagaritswe n’ubuyobozi bw’iyi kipe imikino ine kubera umusaruro muke akomeje kugaragaza muri shampiyona y’u Rwanda icyiciro cya mbere mu bagabo.

Kiyovu Sports imaze imikino 5 yose yikurikiranya itazi uko guntsinda bimera.  Nubwo Kiyovu Sports yahagaritse umutoza isanzwe ifite ikibazo cy’abakinnyi benshi batemerewe gukina shampiyona bitewe n’ibihano yafatiwe na (FIFA) byo kudasinyisha abakinnyi mu gihe cy’umwaka biturutse ku kubahiriza amasezano bari bafitanye.

Kugea ubu iyi kipe ikaba igiye kujya itozwa na Malick Wade watozaga abana, kugeza igihe Joslin Bipfubusa azagarukira agakomeza inshingano ze muri rusange.

Joslin Bipfubusa  asize ikipe iri mu manga kuko kugeza ubu yicaye ku mwanya wa nyuma by’agateganyo, ikaba ifite amanota 3 kuri 21 amaze gukinirwa, irimo umwenda w’ibitego 9.

Kiyovu Sports izagaruka mu kibuga ku wa Gatandatu tariki 2 Ugushyingo 2024, yakirwa na Rayon Sports ku munsi wa munani wa Shampiyona.

Joslin Bipfubusa abaye umutoza wa kabiri uhagaritswe muri uyu mwaka w’imikino nyuma ya Calum Shaun Selby watozaga Vision FC azize umusaruro muke.

Nsengiamna Donatien.