Nyanza:Inzu yafashwe n'inkongi y'umururo ibintu byose bihinduka ivu

Mu Karere ka Nyanza mu Murenge wa Busasamana mu Kagali ka Nyanza mu Mudugudu wa Kigarama inzu ikorerwamo ubucuruzi yaturikiyemo Gaz ibyari birimo byose birashya birakongoka.

Amakuru avuga ko inzu yafashwe n'inkongi y'umuriro ari iy'umucuruzi w'imyaka 45 witwa Niyoyita Emmanuel.

Amakuru akomeza avuga ko ibyahiriye muri iyo nzu ari imifuka y'amakara 150 kuko yari asanzwe ayacuruza,televiziyo,telefone eshatu,akabati,ibikoresho byo mu gikoni kuko batekeragamo na Gaz bikekwa ko iyo nkongi y'umuriro yatewe no guturika kwayo.

Uwatanze amakuru avuga iyo Gaz yaturitse igahura n'amashanyarazi n'amakara byose ubundi birashya.

Ishami rya Polisi rishinzwe umutekano wo mu muhanda ryatabaye ariko inkongi yari yamaze kwangiza byinshi.