Rayon Sports yinjije akayabo ka Miliyoni 152 348 000 Frw mu mukino wayihuje na APR FC.

Ubuyobozi bwa Rayon Sports, bwatangaje ko umukino w’ikirarane uheruka kuyihuza na APR FC, winjije arenga miliyoni 200 Frw, mu gihe iyi kipe yabitse arenga gato miliyoni 112 Frw havuyemo ibindi byose.

Tariki ya 7 Ukuboza 2024, ni bwo habaye umukino ufatwa nk’uruta indi yose muri shampiyona y’u Rwanda, wahuje Rayon Sports na APR FC. Ni umukino wabereye muri Stade Amahoro, urangira amakipe yombi anganyije 0-0 ariko cyera kabaye iyi Stade yakira abagera ku bihumbi 45 bicaye neza, yari ya kubise yuzuye.

Nyuma y’iminsi 17 uyu mukino ubaye, ubuyobozi bwa Gikundiro bwatangaje ko uyu mukino winjije amafaranga angana na miliyoni 152.348.000 Frw yavuye mu kugurisha amatike. Hari kandi miliyoni 53.500.000 Frw yavuye mu bafatanyabikorwa ndetse n’ayavuye mu baje kwamamariza kuri uyu mukino.

Nyuma yo kuvanamo ibyakozwe byose byatwaye angana na miliyoni 39.707.860 Frw, Rayon Sports yabitse angana na miliyoni 165.640.140 Frw. Ibi birasobanura neza ko mu gihe siporo yategurwa neza, yatanga umusaruro mwiza ufatika.