Umuhanzi Rickman Manrick yitandukanyije n’abavuga ko arebana ayi’ingwe na  Sheilah Gashumba.

Umuhanzi wo muri Uganda Rickman Manrick, yavuze ko akivugana na Sheilah Gashumba wahoze ari umukunzi we akaba n’umujyanama we mu muziki icyarimwe, bitandukanye n’ibyavugwaga ko barebana ay’ingwe.

Mu kiganiro yagiranye na Radiyo ‘NRG’ yo muri Uganda, yavuze ko kuba baratandukanye bidasobanuye ko babaye abanzi, icyakora avuga ko baganira mu gihe ari ngombwa gusa.

Rickman Manrick na Sheilah Gashumba batandukanye muri Gicurasi 2024 nyuma y’imyaka itatu bakundana, aho uyu mukobwa yabishimangiye mu nyandiko yashyize ku mbuga nkoranyambaga ze.

Muri iyi baruwa Gashumba yanditse mu gutandukana kwabo, yavuze ko banatandukanye mu mikoranire ya muzika.

Richman yongeye kuvuga ko nta kibazo afitanye na Gashumba, mu gihe mu Ukwakira nabwo yongeye kubibazwaho ubwo Gashumba yari yaguze imodoka ariko ntiyaboneka mu birori byo kuyishimira, agashimangira ko nubwo ataje ariko babanye neza ntakibazo.