Umuhanzi Safi Madiba yemeje ko yamaze gutandukana n'umugore we

Ijambonews. 2020-08-20 11:59:41

Umuririmbyi Safi Madiba yemeje ko yamaze gutandukana n’umugore we Niyonizera Judithe bari bamaranye imyaka 3 bakoze ubukwe.

Umubano wabo uciye ukubiri, nyuma y’uko hari ibyo batumvikanyeho.

ku itariki ya 1 Ukwakira 2017 ni bwo Safi Madiba na Judithe basezeranye imbere y’amategeko ndetse basezerana imbere y’Imana.

Muri Gashyantare 2020 ni bwo Safi Madiba yerekeje muri Canada aho byavuzwe ko yasanzeyo umugore we Judithe kuko ari ho aba, nyuma yaho nibwo byavuzwe ko yatandukanye n’umugore ariko impande zombi zirinda kugira byinshi zibitangazaho.

Mu kiganiro na Inyarwanda, Safi Madiba yatangaje ko  yamaze gutandukana n’umugore we nyuma y’uko hari byinshi batumvikanyeho.

Yagize ati“ Ntabwo twumvikanye.

Abantu babiri bashobora kutumvikana bitewe n’imico n’ibindi. Natandukanye n’umugore nta kindi. Hari abashidikanya ariko ni byo.”

Safi Madiba akaba ubu asigaye yibana mu nzu aho avuga ko yitegura gusohora indirimbo nshya, ni nyuma ya I love You imaze kuzuza miliyoni y’abantu bayirebye kuri YouTube.

Safi Madiba na Judith bari bamaranye imyaka 3