Undi muntu  mushya yanduye Marburg. Uko raporo ya MINISANTE  iteye.

Kuri uyu wa Gatandatu tariki ya 26 Ukwakira 2024, Minisiteri y’Ubuzima yatangaje ko  hagaragaye undi muntu mushya wanduye icyorezo cya Marburg.

MINISANTE, yagaragaje ko uyu muntu mushya wanduye, ari umwe mu bakurikiranwaga, bahuye n’uwari uherutse kwandura.

Kugeza ubu abarimo kuvurwa  virusi ya Marburg ni batatu, ndetse ntawapfuye, mu gihe uyu wanduye yabonetse mu bipimo 97 byafashwe.

Virusi ya Marburg kuva yagera mu Rwanda imaze guhitana abantu 15, mu gihe abayikize ari 47.

Minisiteri y’Ubuzima kandi igaragaza ko abahawe inkingo uyu munsi ari 55, mu gihe inkingo zimaze gutangwa muri rusange ari 1,465.