Abasirikare ba FARDC bashakaga kwihorera barashe abasivile batwika n'amazu

Abantu babiri bavanywe mu byabo n'intambara ibera muri Kivu ya Ruguru barashwe mu ijoro ryo ku wa kabiri tariki ya 4 Gicurasi, nyuma y’igitero cy’itsinda ry’abasirikare ba FARDC mu nkambi ya  Tsere, iherereye mu birometero icumi uvuye i Bunia muri Ituri.

Amakuru avuga ko abo basirikare bifuzaga kwigaragambya bamagana iyicwa ry’umwe muri bagenzi babo umurambo we uherutse gutoragurwa hafi y’iyo nkambi.

Mu rwego rwo kwihorera, bamwe mu basirikare baba mu cyigo cya gisirikare  nko mu kirometero kimwe uvuye aho hantu batwitse amazu abiri y'abantu bimuwe nyuma yo kurasa amasasu make.

Irindi tsinda ry'abasirikare bagarutse mu ijoro ryo  ku wa kabiri kugeza ku wa gatatu, barasa mu kirere mbere yo gutwika amazu atatu.

Ku ruhande rwe, umuvugizi wa FARDC i Ituri, Lieutenant Jules Ngongo, yagaragaje ko abahitanywe n’ibi bintu barashwe amasasu nabo basirikare bashakaga kwihorera.

Uyu musirikare mukuru yongeyeho ko iperereza rigikorwa kugira ngo hamenyekane abakoze iyo marorerwa.