FARDC na M23 bongeye kwesurana

Imirwano ikaze hagati y'ingabo za Leta FADRC ndetse n'umutwe wa M23 yongeye kumvikana mu bice byari bimaze iminsi byigaruriwe na M23.

Impande zombi zasakiranye ku gicamunsi cyo kuri uyu wa Gatatu tariki ya 14 Kanama 2024.

Amakuru avuga ko imirwano yabereye muri gurupoma ya Binza muri Teritwari ya Rutshuru mu Ntara ya Kivu ya Ruguru.

Ni imirwano ibaye mu gihe hari hashize ibyumweru bitatu akaga gace karigaruriwe n'umutwe wa M23 , Abatanze amakuru batangaje ko FARDC ariyo yagabye iki gitero mu rwego rwo gushaka kongera kuhigarurira.

Nubwo FARDC yagabye icyo gitero ngo ntibyayihiriye kuko M23 yabakubise inshuro ikanigarurira bimwe mu bikoresho byakoreshwaga na FARDC n'indi mitwe iyitera inkunga.

Iyi mirwano iri kuba mu gihe Amerika iherutse gutangaza agahenge hagati y'impande zombi zihanganye gusa bigaragara ko katubahirijwe.