FIFA yemeje ko  Arabia Saudite izakira igikombe cy’Isi cya 2034.

Impuzamashyirahamwe y'umupira w'amaguru ku Isi, FIFA, yemeje ko igikombe cy'Isi cya 2030 kizabera mu bihugu bitandatu naho icya 2034 kizabera muri Arabia Saudite.

Ibi byemerejwe mu nama y'intekorusange ya FIFA yabaye kuri uyu wa Gatatu taliki ya 11 Ukuboza 2024 ikana yabereye mu murwa mukuru wa Thailand, Bangkok.

Nk'uko byari byitezwe Arabia Saudite ni cyo gihugu cyemejwe ko kizakira igikombe cy'Isi cya 2034 dore ko n'ubundi ari cyo gihugu cyoyine cyari cyaratanze ubu busabe.

Bivuze ko kuva amakipe y'ibihugu akina imikino y'igikombe cy'Isi agizwe 48, Arabia Saudite ni cyo gihugu kizaba cyakiriye igikombe cy'Isi ari kimwe dore ko n'icya 2026 kizabera mu bihugu bitatu ari byo Leta Zunze Ubumwe za Amerika, Canada na Mexico.

FIFA yemeje kandi ko igikombe cy'Isi cya 2030 kizakirwa na Portugal, Espagne na Morocco ndetse n'igihugu cya Argentine, Paraguay na Uruguay bizakira imikino 3 ifungura mu rwego rwo kwizihiza imyaka 100 ishize hakinwa igikombe cy'Isi.

Ibi ni ubwa mbere bizaba bibayeho mu mateka y'igikombe cy'Isi kandi ibi bihugu uko ari 6 bizakira bizahita binahabwa itike yo kugikina.

Igikombe cy'Isi giheruka cyabereye muri Qatar kikaba cyaregukanwe n'ikipe y'igihugu ya Argentine itsinze u Bufaransa ku mukino wa nyuma.

Yanditswe na Nsengimana Donatien.