Hamas yateye utwatsi umugambi wo guhagarika inambara bahanganyemo na Israel.

Ejo ku wa Kane tariki ya 31 Ukwakira 2024, umutwe wa Hamas wateye utwatsi umugambi wo guhagarika intambara igihe gito bahanganyemo na Israel mu ntara ya Gaza.

Umuyobozi wa Hamas Taher Al-Nunu avuga ko igitekerezo cye kerekeye guhagarika intambara mu gihe gito ku buryo izakomeza nyuma y’aho, ari ikintu bamaze kuganiraho bakabagezaho aho bahagaze.

Yatangaje ko umutwe wa Hamas ushyigikiye umugambi wo guhagarika intambara burundu, aho kuyihagarika by’igihe gito.

Byitezwe ko abarimo barakorana kugira ngo agahenge mu ntara ya Gaza gashyirweho, bagezaho umutwe wa Hamas umugambi werekeye agahenge k’igihe kiri munsi y’ukwezi.

Inama hagati y’Umukuru w’Ibiro bishinzwe iperereza bya Israel, Mossad, David Barnea, Umuyobozi w’Ibiro bishinzwe iperereza bya Amerika, Bill Burns, hamwe na Minisitiri w’Intebe wa Katari, yabereye mu mugi wa Doha muri Katari, yarangiye ku wa 28 Ukwakira 2024. Baganiriye ibyerekeye gushyiraho agahenge k’igihe kiri munsi y’ukwezi.

Umugambi urimo utunganywa n’abo bategetsi, usaba umutwe wa Hamas kurekura abaturage ba Israel wagize imbohe, mu gihe usaba Israel nayo kurekura Abanyapalestina bari mu magereza yayo.

Uwo mugambi urimo kandi ingingo yo kongera imfashanyo igenewe intara ya Gaza.

Abategetsi ba Amerika bafite ikizere ko agahenge ko mu gihe gito gashobora kugerwaho kandi ko gashobora gutuma haba amasezerano ntakuka hagati ya Israel n’umutwe wa Hamas.