Ikipe ya FC Barcelona irifuza umunya Arijentina Enzo Fernandez w’imyaka 23.

Ni nyuma yuko umukinyi Enzo Fernandez ari mu marembo asohoka muri Chelsea kubera kubura umwanya uhagije wo gukina kuko umutoza Enzo Marsca yahinduye imikinire bituma atisanga muri 11 ba banza mu kibuga muriiyi kipe.

Uyu mukinyi kugeza ubu akaba ari kwifuzwa nikipe ya FC Barcelona, nk’uko ikinyamakuru The Sun cyabyanditse. The Sun kandi yanditse ko uyu musore atishimiye uburyo arimo kubura umwanya uhagije wo gukina bityo ko agomb kwerekeza aho agomba kubona umwanya.

Umutoza Enzo Maresca utoza ikipe ya Chelsea yahinduye imikinire aho asigaye abanzamo abakinnyi bakina hagati bugarira ba biri Romeo Lavia na Moises Caicedo kandi barimo gutanga umusaruro ntubwo atari ijana ku ijana nkuko abyifuza.

Umwaka ushize w’imikino Enzo Fernandez yari  umukinnyi ngenderwaho kuko yari yaragizwe Visi kapiteni kugeza nubu niwe kapiteni wa gatatu nyuma ya Reece James na Ben Chilwel, gusa ubu bias nk’aho nta jambo agifite muri iyi kipe.

Enzo Fernandez yaje muri Chelsea nyuma y’igikombe cy’isi yatwaranye na Arijantine muri 2022, ndetse yanabaye umukinnyi muto w’irushanywa mu gikombe cy’isi cyabaye muri uwo mwaka. Muri icyo igihe yakinaga muri Benefica yo muri Porotigali hanyuma Chelsea iramugura bitewe no kwitwara neza mu mikino yagaragayemo.

Inter Milan nayo iri mubashaka cyane uyu mukinyi cyane ko  na kapiteni wayo  Lautaro Martinez ari mwene wabo basanzwe banakinana mu ikipe y’igihugu.

Nsengimana Donatien.