UEFA Champions League: Arsenal na PSG zatsizwe, FC Barcelona iranyagira.Uko imikino yose yarangiye.

Ikipe ya Arsenal  urugendo yakoreye mu gihugu cy'u Butaliyani ntabwo rwabahiriye kuko ya tsizwe na Inter Milan, naho FC Barcelona inyagira FK Crevena Zvezda inayirusha cyane mu mikino yo ku munsi wa Kane wa UEFA Champions League.

Ni mu mukino yakinwe kuri uyu Wa Gatatu taliki 7 Ugushingo 2024. Umukino wari uhanzwe amaso n'abenshi ni uwo ikipe ya Inter Milan yari yakiriyemo Arsenal kuri San Siro Saa yine z'ijoro.

Uko iminota yagendaga ninako ikipe ya Arsenal nayo yinjiraga mu mukino ndetse inarema uburyo imbere nkaho mu minota 18 yabonye koroneri nyinshi zaterwaga na Bukayo Saka gusa abashyiragaho umutwe nti baboneza mu izamu.

Ikipe ya Inter Milan yakomeje kurusha ikipe ya Arsenal maze mbere yuko igice cya mbere kirangira iza kubona penariti ku ishoti ryari rirekuwe maze myugariro wa Arsenal, Mikel Merino agakozaho intoki.

Iyi penariti yatewe na Hakan Calhanoglu ayitereka mu nshundura bajya kuruhuka ikipe ya Inter Milan iyiboye n'igitego 1-0. Mu gice cya kabiri Arsenal yaje ikora impinduka mu kibuga havamo Mikel Merino hajyamo Gabriel Jesus.

Arsenal  yaje isatira ishaka igitego cyo kwishyura abakinnyi bayo nka Gabriel Martinelli, Gabriel Jesus na Bukayo Saka barekura amashoti  y’imiriro agana mu izamu ariko umunyezamu wa Inter Milan,Yann Sommer akomeza kubabera akasamutwe.

Umukino waje kurangira ikipe Inter Milan yegukanye amanota atatu ku ntsinzi y'igitego 1-0.

Indi mikino yakinwe  uko yarangiye.

Club Brugge yo mu Bubiligi yatsinze Aston Villa yo mu Bwongereza 1-0 n’aho Shakhtar Donetsk yo muri Ukraine itsinda Young Boys ibitego 2-0.

Ikipe ya FC Bayern Munich yo mu Budage yatsinze Benfica yo muri Portugal 1-0, Feyenoord yo mu Buhorandi itsindwa na RB Salzburg yo muri Australia ibitego 3-1 naho FK Crevena Zvezda yo muri Serbia inyagirwa na FC Barcelona ibitego 5-2.

Paris Saint-Germain yo mu Bufaransa yatsinzwe na Atletico Madrid yo muri Espagne ibitego 2-1 ,Sparta Prague yo muri Czech Republic itsindwa na Brest yo mu Bufaransa ibitego 2-1 naho VFB Stuttgart yo mu Budage itsindwa na Atlanta yo mu Butaliyani ibitego 2-0.

Kugeza kuri ubu ikipe ya mbere muri UEFA Champions League 2024-2025 ni Liverpool n'amanota 12, Sporting CP ni iya kabiri n'amanota 10 mu gihe AS Monaco ari iya 3 nayo n'amanota 10.

Nsengimana Donatien.