Ingabo za Ukraine zafashe umujyi ukomeye w'u Burusiya

Ingabo za Ukraine zafashe umujyi wa Sudzha w'u Burusiya  ni mu gihe imirwano imaze iminsi ihinduye isura kuva ingabo za Ukraine zatangira kwigaranzura iz'u Burusiya zinjira mu gace ka Kursk, nkuko abayobozi ba Kyiv babitangaza.

Kuva intambara yatangira mu 2022, uyu waba ariwo mujyi munini w'u Burusiya uguye mu maboko ya Ukraine

Sudzha ni umujyi utuwe n'abantu bagera ku 5.000, ukaba izingiro ry'ubutegetsi bw'Akarere ku mupaka wa Kursk. uyu mujyi niwo munini kuruta iyindi mijyi Ukraine yafashe kuva yigaranzura u Burusiya tariki ya 6 Kanama 2024.

Perezida wa Ukraine,Volodymyr Zelensky,yavuze ko igisirikare cya Ukraine cyigomba guhita gishiraho icyicaro cy'ubuyobozi mu mujyi wa Sudzha ibyo bikaba bigaragaza ko Ukraine iteganya kuguma muri uwo mujyi ndetse no gukomeza kujya mbere ifata ibindi bice.