Karongi: Imanuka ikomeye y’imodoka yakomerekeje abaturage  13.

Ahagana saa Cyenda n’iminota 45, mu Murenge wa Rubengera, habereye impanuka ikomeye cyane, aho ikamyo igonganye na Coaster yari itwaye abagenzi, hakomereka abantu 13 bari muri iyo Coaster, bane muri bo barakomereka bikabije.

Iyi mpanuka yabereye mu murenge wa Rubengera ho mu karere ka Karongi, ibera ku muhanda uturuka ku Rutare rwa Ndaba werekeza i Rubengera, aho mu bagenzi 13 bakomeretse byoroheje, bane muri bo bakomereka bikabije.

Ubu abakomeretse bajyanwe mu bitaro, abandi bajyanwa mu Kigo Nderabuzima cya Rubengera, nk’uko Umunyamabanga Nshingwabikorwa w’Umurenge wa Rubengera, Nkusi Medard yabitangaje.

Ati ‟Ikamyo igonganye na Coaster mu bagenzi bari muri iyo Coaster 13 barakomereka, aho bane bakomeretse bikomeye, icyenda bakomereka byoroheje.’’

Akomeza agira ati ‘’Bamwe bamaze kugezwa mu bitaro bya Kibuye, mu gihe abandi bajyanwe mu Kigo Nderabuzima cya Rubengera kugira ngo bavurwe.’’

Nkusi Medard  yunze mo agira ati ‘’Ni amakuru tumenye mu kanya mu ma saa cyenda n’iminota 45. Aho iyo mpanuka yabereye ni mu gace karimo amakorosi menshi, iyo umushoferi yarangaye gato imbere ye hakaza indi modoka ashobora kuyigonga, bisaba kuhagera ukitonda cyane.’’