M23 yigaruriye ibindi bice byiyongera ku bindi ikomeje kugenzura

Imirwano yabaye ku wa kane tariki ya 21 Werurwe hagati y’inyeshyamba za M23  ndetse n’igisirikare cya Leta FARDC n’abambari bayo barimo FDLR,Wazalendo  n’indi mitwe itandukanye yarangiye umutwe wa M23 ubashije kugenzura ibindi bice biri muri Gurupoma ya Bashali Makoto  muri Teritwari ya Masisi.

Iyo mirwano yabaye nyuma ya saa sita  muri Centre ya Kirumbu muri Sherifi ya Bashali yo muri Teritwari ya Masisi muri Kivu ya Ruguru ariko iyo mirwano yari yatangiriye muri Centre ya Minova mu gitondo cyo kuwa kane.

Amakuru ava muri aka gace avugako imirwano yabanje kwibasira ibirindiro bya Wazalendo maze birangira Aba-Wazalendo amaguru bayabangiye ingata berekeza mu misozi yitegeye aka karere.

Imidugudu byemezwako yamaze kwigarurirwa na M23 ni Kirumba,Gyagoro na Kalengera muri Teritwari ya Masisi.

Amakuru akomeza avugako imirwano yahise ikomereza i Bweru,gusa abaturage bo mi bice byiriwemo intambara bari batangiye guhungira mu bihuru ariko mu masaha ya ni mugoroba bongeye kugaruka mu ngo zabo.