Manchester City na Arseanal zanyujijweho akanyafu, Liverpool ishimangira umwanya wa mbere.

Kuri uyu wa Gatandatu tariki ya 2 Ugushingo 2024, hakinwe imikino itandukanye y’umunsi wa 10 wa shampiyona y’u Bwongereza  icyicoro cya mbere mu bagabo, aho Arsenal na Manchester City zagaritswe mu gihe Liverpool yatsinze ivuye inyuma bituma yicara ku mwanya w’icyubahiro ikomeza kuyobera urutonde rwa shampiyona byagateganyo.

Arsenal niyo yabimburiye izindi kurwa mu manga aho yari yakiriwe na Newcastle kuri Saint James’s Park iyitsinda igitego kimwe ku busa cyatsinzwe na rutahizamu Alexander Isak ku mupira mwiza yari ahawe na Athony Gordon.

Gabriel Magalhaes na Jurien Timber bari bagize imvune mu mukino uheruka bari bagarutse mu kibuga.Newcastle byarangiye yegukanye amanota atatu ku gitego kimwe gusa.

Ku isaha ya saa kumi n’imwe indi mikino yakomeje aho Manchester City na Bournemouth yari yisize insenda kuko byayisabye iminota icyenda gusa kuba yafunguye amazamu ku gitego cya Antonie Semenyo.

Igice cya mbere cyarangiye ari kimwe ku busa,mu gice cya kabiri Manchester City yaje ishaka kwishyura igitego nk’ikipe nkuru gusa ntibyayikundira ahubwo ku munota wa 68 Bournemouth yongera itsinda ikindi gitego,biba bibiri ku busa.

Ku munota wa 82 ikipe ya Manchester City yabonye igitego kimwe cya tsinzwe na Jasko Gvardiol umaze iminsi yitwara neza. Man City yari iyoboye urutonde rwa shampiyona  byarangiye irekuye umwanya wa mbere ifata uwa kabiri.

Arsenal na Manchester City zigirijweho nkana.

Liverpool nayo yamanutse mu kibuga ku isaha imwe na Manchester City aho yari yakiriye Brighton Umukino  watangiye ikipe ya Brighton yari yasuye iri hejuru kuko ku munota wa 14 gusa yahise ibona igitego cya mbere.

Igice cya mbere kirangira ari kimwe ku busa hanyuma ikipe ya Liverpool nayo iza yahinduye isura ishaka kwishyura igitego.Ku munota wa 69 Cody Gakpo yahise atsinda igitego cyo kwishyura  biba kimwe kuri kimwe.

Umukino wabaye nk’utangira bushya hanyuma amakipe yombi atangira gusatirana ku rwego rwo hejuru gusa byabaye nka ya mvugo ngo inkoko iri iwabo ishonda umukara kuko Liverpool yahise itsinda igitego cy’intsinzi yegukana amanota atatu.

Nsengimana Donatien.