Umutoza mushya wa Manchester United  Ruben Amorim yatangaje amagambo akomeye.

Umutoza wa Manchester United  Ruben Amorim yatangaje ko nta mukinnyi numwe azigera asinyisha muri iyi ikipe amuvanye muri Sporting Lisbon yari abereye umutoza mu isoko ry’igura n’igurisha ry’abakinnyi ry’ukwezi kwa mbere.

Ruben Amorim yageze mu ikipe ya Manchester United aho aje gutangira inshingano ze nku umutoza mukuru wayo.

Nubwo Ruben atangaje ibi, ikipe ya Sporting ifite abakinnyi bari ku rwego rwiza ndetse banifuzwa n’amakipe menshi akomeye ku mugabane w’i burayi, harimo na rutahizamu Viktor Gyokeres.

Abajijwe ku isinyishwa ry’uyu musore muri Manchester united, Amorim yavuzeko yamuzana byibuze mu mpeshyi itaha.

Nk’uko byatangajwe n’igitangazamakuru cyandikirwa mu gihugu cya Portigal kizwi nka A Bola, Amorim yavuze ko atazasinyisha umukinnyi n’umwe wa Sporting muri Manchester United muri Mutarama 2025 ndetse anavuga ko hazategerezwa impeshyi itaha kugirango abe yatangira kubitekerezeho .

Hagati aho, Gyokeres amaze gutsinda ibitego 23 mu mikino 17 yakininye Sporting muri shampiyona.

Amorim yahise agira icyo avuga ku mukinnyi Pedro Goncalves watsinze ibitego bine anatanga imipira itatu yavuyemo ibitego mu mikino irindwi ya shampiyona , aho yemeje ko uyu musore w’imyaka 26 y’amavuko ashobora gukina mu ikipe iyo ari yo yose ku isi.

Ati “Ashobora gukinira ikipe iyo ari yo yose ku isi ndetse n’umukinnyi uwo ari we wese yakwifuza gutunga mu ikipe ye, kuko ari umukinnyi ukomeye. Nshobora no kuba namujyana ahantu hose nkorera kandi ntansebye.’’

Akomeza agira ati ‘’ Afite ubwenge bwinshi, ariko agomba no kwibanda kuri Sporting kuko agomba gutwara igikombe uyu mwaka gusa ibi ntibikuraho ko ashobora gukina mu ikipe iyo ari yo yose ku isi.”

United yashyizeho Amorim nk’umutoza mushya uhoraho nyuma yo kwirukana Erik TenHag mu minsi ishize ndetse ihita inatangaza Ruud Van Nistelrooy nk’umusigarire we.

Nsengimana Donatien.