Tanzania:Abantu 11 bahitanwe n'impanuka yabereye mu ruganda rw'isukari

Uruganda rukora isukari rwa Mtibwa ruherereye mu Karere ka Morogoro mu Burasirazuba bwa Tanzania rwabereyemo impanuka yaturutse ku muriro w'amashanyarazi hapfa abantu 11 abandi babiri barakomereka.

Ubuyobozi bwa Polisi bishinzwe kuzimya umuriro bwemeje aya makuru bushimangira ko iyi mpanuka yabaye iturutse ku muriro w'amashanyarazi.

Abaguye muri iyi mpanuka barimo Umuhinde,Umunyakenya n'Umunyaburezile n'abandi bataratangazwa imyirondoro.

Ikinyamakuru The East African cyatangaje ko imirambo y'abaguye muri iyi mpanuka iri mu buruhukiro bw'ibitaro by'uru ruganda gusa iperereza ku cyateye iyi mpanuka riracyakomeje.