Umusifuzi mpuzamahanga  uzasifura umukino wa AS Kigali na Rayon Sports yamenyekanye.

Umukino  wo  ku munsi wa 13 wa shampiyona uzahuza AS Kigali na Rayon Sports, wahawe Nsabimana Céléstin uherutse kugirwa umusifuzi mpuzamahanga uzatangira kwambara ikirango [badge] cya FIFA muri Mutarama 2025.

Kuwa Gatandatu tariki ya 14 Ukuboza 2024, hateganyijweumukino ukomeye uhanzwe amaso na benshi uzahuza AS Kigali na Rayon Sports Saa Kumi n’Ebyiri z’Umugoroba kuri Kigali Péle Stadium. Ni umukino wahawe abasifuzi batatu bari mpuzamahanga bazaba bayobowe na Nsabimana Céléstin uzaba ari hagati mu kibuga.

Azaba afatanya na Mutuyimana Dieudonné Dodos na Akimana Juliette, mu gihe Nshimiyimana Remy Victor azaba ari umusifuzi wa kane kuri uyu mukino.