Urwego rwa DASSO rwungutse abandi bashya barenga 340

Abasore n’inkumi 349 basoje amasomo y'amezi atatu y’ibanze abinjiza mu rwego rwunganira uturere gucunga umutekano (DASSO).

Aya masomo bayaherewe mu Ishuri ry’Amahugurwa rya Polisi riri i Gishari mu Karere ka Rwamagana, yibanze ku birimo imyitozo ngororamubiri, ay’imyitwarire, ubumenyi bwo gukoresha intwaro, ubwirinzi budakoresha intwaro, ubutabazi bw’ibanze n'imikoranire n’izindi nzego ndetse n’abaturage.

Abasoje aya masomo bavuga ko amasomo bahawe azabafasha kurwanya ibyaha bigaragara hirya no hino mu turere birimo amakimbirane mu miryango, urugomo no gukoresha ibiyobyabwenge.