DRC:Abantu 10 bamaze kwicwa n'icyorezo cy'ibicurane bituruka ku nguge(Monkeypox)

Amakuru aturuka muri Minisiteri y'ubuzima mu bice bya Kivu y'Amajyepfo muri Repubulika Iharanira Demukarasi ya Congo avuga ko  abantu 10 aribo bamaze kumenyekana ko bapfuye bazize icyorezo cy'ibicurane by'inguye.

                                                                              Uwafashwe n'iyo ndwara

Nkuko byanditse ku rubuga X rw'umunyamakuru Daniel Michombero, abantu 10 nibo bamaze gupfa naho abarenga 950 bamaze kwandura iki cyorezo.

Muganga Claude Bahizire wo mu ishami ry’ubuzima mu Ntara ya Kivu y'Amajyepfo yasabye abaturage batuye muri iyo Ntara  ko bagomba gufata ingamba bakajya bagira isuku kando bakirinda kurya inyamaswa zipfishije cyane izo mu mashyamba.

Si ubwa mbere hagaragara iki cyorezo kuko kuva ku ya 1 Mutarama kugeza ku ya 12 Ugushyingo 2023, habarurwaga abantu 12 569 bakekwaho kuba barwaye iki cyorezo  harimo 581 bakekwaho kuba barishwe nayo iyo ndwara yagaragaye mu turere tw’ubuzima 156  mu ntara 22 kuri 26 (85%) z'igize icyo gihugu.