DRC:Urubyiruko rwabyukiye mu myigaragambyo rwamagana ubwicanyi bukorerwa i Goma
Urubyiruko rwo mu Mujyi wa Goma kuri uyu wa Mbere rwaramukiye mu myigaragambyo, rusaba Leta gufata ingamba zo guhosha ubugizi bwa nabi bumaze igihe bwigaragaza muri uwo mujyi.
Urwo rubyiruko rwafunze imihanda mu duce tuzwi cyane mu Mujyi wa Goma nka Katoyi, Majengo na Kasika aho ruvuga ko rurambiwe ibyaha bibera muri uwo mujyi nyamara inzego z’umutekano na Leta ntibagire icyo babikoraho.
Umujyi wa Goma umaze igihe ukorerwamo ibyaha byinshi by’urugomo rushingiye ku bujura, ubwicanyi, gufata abagore ku ngufu n’ibindi, bikorwa n’abantu barimo abitwaje intwaro ndetse n’abambaye imyenda y’igisirikare.
Goma yatangiye kuba isibaniro ry’ubugizi bwa nabi nyuma yo kurundwamo ingabo nyinshi zaba iza Leta zahoze mu bice byigaruriwe n’umutwe wa M23, imitwe yitwaje intwaro irimo FDLR n’urubyiruko rwiyise Wazalendo ifatanya n’igisirikare cya Leta ku rugamba, ingabo z’u Burundi, iz’Umuryango wa Afurika y’Amajyepfo (SADC) n’iziri mu butumwa bw’amahoro bwa Loni, MONUSCO.
Uwo mujyi utuwe na miliyoni ebyiri z’abaturage washyiriweho amabwiriza akakaye arimo gushyirwa mu bihe bidasanzwe, kubuza ibinyabiziga nka moto kugenda n’ijoro n’ibindi ariko ntacyo byakemuye ku bugizi bwa nabi.
Ibi bibaye mu gihe mu mpera z'icyumweru gishize nabwo habaye imyigaragambyo yamagana ubwicanyi nk'ubwo ndetse abigaragambya icyo gihe basabaga Perezida w'icyo gihugu Felix Tshisekedi kwegura kuko abaturage bicwa ariko Leta ntigire icyo ikora.
Comments
No comments
Leave a comment
www.ijambo.net is a product of YIRUNGA LTD.
We are here to provide with our professionals in advertisement and news so that our partnership will take your business one step ahead/
We focus on simplicity advertisement.
contact us/Twandikire
Rwanda,Western Province,Rubavu District,Kivumu cell
phone: 0781000112 / 0788989706
email: info@ijambo.net
Digital Marketing & Advertising
Social Media consultancy
Public Advertisement and Announcements
Branding and Promotion
Media Relation
Documentaries & Photography
Graphic design
Live streaming
Marketing campaign
Event management and Organising
Online Radio and TV
Community show