Ihuriro AFC ryavuzeko nta munyamuryango waryo wemerewe kujya mu bucukuzi bw'amabuye y'acaciro

Umuhuzabikorwa w'ihuriro AFC rigizwe n'imitwe yitwaje intwaro irwanya ubutetsi bwa Kinshasa yavuzeko abarwanyi ba AFC ndetse n'abana batagejeje imyaka y'ubukure bari mu bice byigaruriwe n'iri huriro batagomba gukora ibikorwa by'ubucukuzi bw'amabuye y'agaciro. 

Corneille Nangaa yatangaje ibi nyuma yaho mu cyumweru gishize uyu mutwe witwaje intwaro wa ARC/M23 wafashe agace ka Rubaya gakungahaye cyane ku mabuye ya Coltan.

Nangaa yagize ati"Birabujijwe cyane ku banyamuryango, abayobozi n'abanyapolitike ba AFC kimwe n'abofisiye n'abagize umutwe wa ARC kwivanga cyangwa kugira uruhare mu icukurwa ry'amabuye y'agaciro mu bice byabohowe.

Yongeyeho ko abana batujuje imyaka y'ubukure batagomba kwinjira mu bikorwa by'ubucukuzi bw'amabuye y'agaciro mu bice byabohowe.

Nangaa yavuzeko ibyo bikorwa bihariwe ba rwiyemeza mirimo bubahiriza amategeko n'amabawiriza bahabwa n'igihugu ko aribo bemerewe gukomeza ibikorwa by'ubucukuzi bw'amabuye y'agaciro muri ibi bice byabohowe na AFC.