Kazarwa Gertrude yatorewe kuyobora Inteko Ishinga Amategeko

Kuri uyu wa Gatatu mu ngoro y'Inteko Ishinga Amategeko habereye umuhango wo kurahiza Abadepite nyuma nabo bitoramo Perezida w'Inteko Inshingamategeko  ariwe Hon Kazarwa Gertrude.

Ku ikubitiro Depite Nizeyimana Pie ukuriye ishyaka UDPR niwe wabimburiye abandi mu kwiyamamaza.

Agaragaraza ko ashoboye kuko amashuri ayafite , afite uburambe n'ubunararibonye muri manda  iheruka y'abadepite ,akavuga kandi ko akorana neza n'abagore bityo ko Inteko imaze igihe  iyobowe n'abagore ko nawe yayiyobora.

Ku rundi ruhande, Hon Depite Nsengimana Philbert yamamaje Hon Depite Kazarwa Gertrude, avuga ko akwiye gutorwa na buri wese, kuko ntako bisa kuyoborwa n’umugore.

Abo nibo bari bahanganye amatora aza kugaragaza ko Kazarwa Gertrude ariwe utsinze ayo matora n'amajwi 72 ku  73 ku bantu 80 bagombaga gutora.

Ba visi Perezida batowe ni Sheikh Musa Fazil Harerimana ushinzwe Ubuyobozi n'Imari na Hon Uwizeyimana Beline ushinzwe amategeko no kugenzura ibikorwa bya Guverinoma.

Hon Uwineza Beline na we yari wenyine kuri uriya mwanya, akaba yamamajwe na Hon Muhakwa Valens.

Nyuma yo kubona Biro y’Inteko ishinga Amategeko umutwe w’Abadepite, abatowe bahise barahirira imbere ya Perezida wa Repubulika y’u Rwanda, Paul Kagame.