MONUSCO yatangiye kwigisha FARDC tekinike zose zo kurwanisha indege z'intambara

Ingabo z'umuryango w'abibumbye zo muri Guatemala na Bangaladesh zatangiye gutanga imyitozo ku basirikare 400 ba FARDC bari i Bunia(Ituri) kugirango bajye babasha kugera ahantu bigoye kugera mu gihe cy'urugamba.

Aya mahugurwa y'ibyumweru bitatu yatangiye ku wa Gatatu tariki ya 12 Kamena akaba agomba kumara ibyumweru bitatu aho abasirikare bazajya bahurwa uburyo bwo kurwanisha kajugujugu ibyo byose bikaba bigamije kongerera ubushobozi FARDC kugirango ikomeze guhangana n'imitwe yitwaza intwaro.

Icyiciro cya mbere cy'ayo mahugurwa cyireba abasirikare 100 bahawe imyitozo yo kohorezwa mu turere tw'imirwano hakoreshejwe kajugujugu basimburana bahagarara kuri kajugujugu hanyuma bakamanuka ku butaka,bafite intwaro mu ntoki bakoresheje imigozi.

Ibi birimo gukorwa mu rwego rwo kwitegura ibikorwa bya gisirikare bihuriweho bya FARDC na MONUSCO byo kugarura amahoro arambye muri Ituri imaze imyaka isaga 20 ihura n'amahano y'intambara, ndetse no kugera mu duce dutandukanye dukorerwamo n'imitwe yitwaje intwaro.