Mu mukino uryoheye amaso: RRA WVC yatsinze bigoranye Police WVC amaseti 3-2.

Mu mukino waryoheye abawurebye wabaye kuri uyu wa gatanu tariki ya 6 Ukuboza 2024, RRA WVC yatsinze Police WVC amaseti 3-2 mu mukino wa shampiyona wabereye kuri Petit Stade Amahoro.

RRA WVC yegukanye iseti ya mbere ku manota 26-24, mu gihe Police WVC nayo yihagazeho itsinda iseti ya kabiri ku manota 31-29.

RRA yongeye kuganza iseti ya gatatu ku manota 27-25, ariko Police WVC ikagaruka itsinda iseti ya kane ku manota 25-23.

Iseti ya gatanu ni yo yageneye intsinzi RRA WVC ku manota 15-12, byahise biyiha ububasha  bwo kwegukana umukino ityo.