Rubavu:Umwongereza n'Umuholandikazi nibo begukanye isiganwa rya Ironman 70.3 

Kuri iki cyumweru tariki ya 04 Kanama 2024, Umwongereza Raoul Metcalfe yegukanye isiganwa rya Ironman 70.3, ni urushanwa ryabereye mu Karere ka Rubavu ku kiyaga cya Kivu, mu gihe Umunyarwanda waje hafi ari  Iradukunda Eric  wabaye uwa kane.

Ku ruhande rw'abagore iri rushanwa ryegukanywe n'Ubuholandi Barber Kramer akaba ari ishuro ya gatatu aritwaye, ntawe uramusimbura kuko kuva ryatangira kubera mu Rwanda mu 2022 niwe waritwaye kugeza na n'ubu.

Muri iri rushanwa ikipe y'u Rwanda yari igizwe na Twibanire Damascène  wakinnye Koga, Ngendahayo Jeremie wakinnye gusiganwa ku igare na Mutabazi Emmnuel wasiganwe  ku maguru niyo yasoje ari iya mbere bakaba bakoresheje amasaha ane, iminota irindwi  n'amasegonda 25. 

Kuva iri rushanwa ryatangira kubera mu Rwanda mu 2022 ryegukanwe n'umunyarwanda inshuro imwe mu 2023 gusa, uwo munyarwanda yitwa Ishimwe Héritier.  

                                               Umuyobozi wa RDB Gatare Francis aganiriza ikipe y’u Rwanda

                                                                     Raoul Metcalfe ni we wegukanye irushanwa Mpuzamahanga rya IRONMAN 70