Abakozi ba Kenya Airways bari bafungiye i Kinshasa barekuwe

Ku wa Mbere tariki ya 06 Gicurasi 2024 ubuyobozi bwa Sosiyeti y'indege ya Kenya Airways bwatangajeko abakozi babiri  b'iyo sosiyeti bari bafungiwe i Kinshasa kuva  mu mpera za Mata bamaze kurekurwa.

Ibi ni ibyatangajwe n'umuyobozi mukuru wa sosiyeti y'indege ya Kenya Airways Allan Kalavuka ndetse avugako ingendo z'indege zari zarasubitswe  mu mpera za Mata zigomba gukomeza.

Abakozi ba Kenya Airways bafunzwe ku wa 19 Mata , bafungwa n'urwego rw'iperereza ry'ingabo za Congo  bivugwako babuze inyandiko za gasutamo ku mizigo imwe y'agaciro .iyo sosiyeti yavuzeko itigeze ifata imizigo kubera ko impapuro z'abatwara ibicuruzwa zitari zuzuye.

Aba bakozi  bombi barafunzwe nubwo icyemezo cyasabye ko barekurwa bituma indege igaharika ingendo zayo, bivugwa ko ifungwa ry'abo bakozi ryagoye ingendo z'indege za KQ.

Amakuru avugako umwe muri abo bakozi yari Umunyakenya undi ari Umunyekongo.

Umunyamabanga mukuru wa minisiteri  y'ububanyi n'amahanga ya Kenya, Korir Sing'oei abinyujije ku rubuga rwa X yagize ati" Nishimiye cyane kumenyesha ko Lydia Mbatela Umuyobozi wa KQ muri DRC amaze kurekurwa n'abayobozi i Kinshasa.

Kenya Airwaysa yavuze ko na mugenzi wa Mbotela w'Umunyakenya nawe ubu yamaze kurekurwa.

Minisitiri w'itumanaho muri Congo akaba n'Umuvugizi wa Guverinoma n'ubutasi bwa gisirikare ntabwo yahise atanga ibisobanuro nk'uko Reuters yari yabyifuje.