Amavubi yananiwe gutera intambwe ku rutonde ngarukakwezi rwa FIFA

Ikipe y'igihugu y'u Rwanda Amavubi yisanze itarabashije gutera intambwe ku rutonde ngaruka kwezi rwa FIFA.

Kuri uyu wa Kane tariki ya 20 Kamena nibwo hasohotse urutonde rugaragaza uko amakipe y'ibihugu ahagaze,ikipe y'igihugu y'u Rwanda Amavubi yisanze ku mwanya wa 131 ndetse akaba ari nawo mwanya yari iriho mu kwezi gushize.

Nubwo Amavubi atateye intambwe ngo ave ku mwanya yari ariho yashoboye kwiyongera mu manota aho yavuye ku manota 1112.44 mu kwezi gushize agera ku manota 1114.15 muri uku kwezi.

Si u Rwanda rwonyine rutatirimutse kuri uru rutonde kuko usanga ibihu 10 bya mbere biyoboye urutonde byarakomeje kuguma ku myanya yabyo.

Mu bihugu bituranye n'u Rwanda Repubulika Iharanira Demukarasi ya Congo niyo iza imbete (61), Uganda(94),Kenya(108), Tanzania(114) ndetse n'u Burundi buza ku mwanya wa 140.