Dr Edouard Ngirente yafunguye kumugaragaro uruganda rutunganya amata y'ifu

Kuri uyu wa  Gatatu tariki ya 24 Nyakanga 2024, Minisitiri w’Intebe Dr Edouard Ngirente yafunguye ku mugaragaro uruganda rw’Amata y’Ifu rwa Inyange Industries ruri mu Karere ka Nyagatare. 

Uru ruganda rufite ubushobozi bwo kwakira litiro ibihumbi 50 z’amata mu isaha, abanza gusuzumwa niba yujuje ibipimo by’ubwiza bisabwa hanyuma bakayayungurura, agakonjeshwa kugera kuri degree 4, bakabona kuyabika mu bubiko bizeye ko ameze neza.

Rufite ikoranabuhanga rigezweho ryaba mu bikorwa bitandukanye no mu gutunganya amata ariko no mu bwirinzi bw’ibiza byakomoka ku mashanyarazi.

Ni uruganda rutunganya  amata agera kuri litiro ibihumbi 650 ku munsi.