Umunyarwanda wambuwe amafaranga na Polisi ya Uganda yayasubijwe

Umuvugizi wa Polisi ya Uganda mu gace ka Kigezi yatangaje ko hari abapolisi babiri bo muri icyo gihugu batawe muri yombi kubera gushaka kwiba Umunyarwanda wari ugiye muri icyi gihugu.

Abatawe muri yombi ni abapolisi bakorera ku mupaka wa Gatuna aribo PC Gracious Tusiime w’imyaka 25 na Zechariah Ekiyankundire.

Amakuru avuga ko aba bapolosi batangiriye umunyarwanda witwa Thomas Habanabakize maze batangira kumubwirako amafaranga afite ari amiganano maze  bamwaka amafaranga ibihumbi 85 Frw bamusaba ko asubira mu Rwanda akoresheje undi mupaka,ariko Thomas yanga gusubira mu Rwanda akoresheje uwo mupaka ahubwo ahita abarega ku biro bishinzwe abinjira n’abasohoka kuri uwo mupaka.

Ubwo yari amaze gutanga amakuru abo bapolisi bahise batabwa muri yombi n’urwego rubishinzwe rwo muri Uganda kandi bahita batangira gukurikiranwa.